Plantun de Prouvènço

Pèr coumpara dos planto d'encò nostre

Sagittaria sagittifolia & Ononis spinosa subsp. procurrens

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.

Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sagittaria
Famiho : Alismataceae

Ordre : Alismatales

Coulour de la flour : Blanco
Petalo : 3
Ø (o loungour) flour : 15 à 20 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753

Estanco-biòu

Ononis spinosa subsp. procurrens

Fabaceae Leguminosae

Àutri noum : Tanco-biòu, Restanco-biòu, Avagoun, Ajagoun, Lènte.

Nom en français : Bugrane épineuse.

Descripcioun :
L'estanco-biòu presenta aqui, de la subsp. procurrens, trachis au nostre dins li relarg un pau mai umide e mountagnous que la meno antiquorum. Ié sèmblo de segur proun, mai es uno planto mai grando, un pau couchado, mens (o pas) espinouso e cuberto de péu pu long que 1 mm sus la tijo e regulié (fotò). Apoundèn que la cambo porto mai de flour e fai pas lou zigue-zague au contro de sa cousino.

Usanço :
De regarda à Ononis spinosa subsp. antiquorum que li prouprieta soun li memo.

Port : Pichoto planto lignouso
Taio : 20 à 60 cm
Fueio : coumpausado
Tipe bioulougico : Camefite
Cicle bioulougico : Planto renadivo

Gènre : Ononis
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) flour : 12 à 15 mm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Mai à setèmbre

Liò : Prado - Camin - Ermas
Estànci : Termoumediterran à Subremediterran
Couroulougi : Éuroupenco
Ref. sc. : Ononis spinosa subsp. procurrens (Wallr.) Briq., 1913

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Sagittaria sagittifolia & Ononis spinosa subsp. procurrens

ges

Coumpara Flècho-d'aigo emé uno autro planto

Coumpara Estanco-biòu emé uno autro planto